ប្រវត្តិត្រួសៗអំពីក្រុមហ៊ុន Metfone

សិក្សាស្វែងយល់អំពី Metfoneដែលជាក្រុមហ៊ុនទូរស័ព្ទចល័តធំមួយនៅប្រទេសកម្ពុជាដែលជាបុត្រសម្ព័ន្ធនៃក្រុមហ៊ុនយក្ស Viettel  ។ តើViettelជាក្រុមហ៊ុនអ្វី? បង្កើតឡើងដោយនរណា? តោះយើងអានបន្ត៖ Viettel គឺជាក្រុមហ៊ុនបង្កេីតឡេីងដោយរដ្ឋាភិបាលវៀតណាមដែលគ្រប់គ្រងដោយក្រសួងការពារជាតិវៀតណាមដោយចំណូលរបស់ក្រុមហ៊ុនត្រូវបានផ្គត់ផ្គង់ទៅលេីវិស័យយោធាវៀតណាម។ ក្នុងឆ្នាំ 2019 ប្រាក់ចំណូលក្រុមហ៊ុនកេីនដល់ 251 ទ្រីលានដុងដែលគិតជាដុល្លារអាមេរិចស្មេីនឹង 10.83 ពាន់លានដុល្លារអាមេរិច​ ។ នៅឆ្នាំ 2018 មានបុគ្គលិកសរុប​ 5មុឺននាក់កំពុងបម្រេីការងារ​។ Viettel ជាក្រុមហ៊ុនធំមួយដែលគ្រប់គ្រងលេីក្រុមហ៊ុនតូចៗជាច្រេីនទាំងក្នុងស្រុក​ និង​ ខាងក្រៅស្រុកដែលវិនិយោគលេីទូគមនាគមន៍​ ប្រព័ន្ធ​អ៊ីនធឺណិត​ ប្រព័ន្ធ​រលកធាតុអាកាស​ បច្ចេកវិទ្យា​ព័ត៌មាន​ ប្រព័ន្ធ​សុវត្ថិភាព​ រ៉ាដា​ និង​ សម្ភារៈ​យោធា​។ 30ឆ្នាំមុន Viettel គ្រាន់តែជាក្រុមហ៊ុនសាងសង់តូចតាចមួយប៉ុណ្ណោះ​ តែបច្ចុប្បន្នមានអតិថិជនប្រមាណ 110 លាននាក់កំពុងប្រេីប្រាស់សេវារបស់ក្រុមហ៊ុន។

នៅឆ្នាំ 2008​ Viettel បានចាប់ផ្តេីមវិនិយោគនៅប្រទេសឡាវ (ក្រុមហ៊ុន​Unitel) ដែលជាការិនិយោគក្រៅប្រទេសដំបូងរបស់ខ្លួន។

នៅឆ្នាំ 2009​ Viettel បានចាប់ផ្តេីមនៅប្រទេសកម្ពុជាហេីយបានក្លាយជាក្រុមហ៊ុនប្រតិបត្តិការទូរស័ព្ទធំជាងគេមួយក្នុងប្រទេសកម្ពុជា (Metfone)។

នៅឆ្នាំ 2011​ ក្រុមហ៊ុន​បានវិនិយោគនៅហៃទីដែលក្លាយជាក្រុមហ៊ុនធំក្តោបក្តាប់ទីផ្សារជិត 60%។

បន្ទាប់​មប្រទេស​ Mozambique, ទីម័រ​ខាងកើត​, Cameroon, Burundi​ និង​ Tanzani។

នៅឆ្នាំ 2014 ក្រុមហ៊ុន​នេះបានហក់ចូលប្រទេសប៉េរូដែលជាប្រទេសដែលមានសេដ្ឋកិច្ចធំជាងប្រទេសវៀតណាម។

នៅឆ្នាំ 2017​ ក្រុមហ៊ុន​ Viettel បានវិនិយោគដ៏ធំមួយដេីម្បីបង្កេីតក្រុមហ៊ុនបុត្រសម្ព័ន្ធរបស់ខ្លួនដែលមានឈ្មោះថា Mytel នៅប្រទេសមីយ៉ានម៉ាដែលទុនវិនិយោគសរុប 1.5ពាន់លានដុល្លារអាមេរិច​ ។

ថ្មីៗនេះដែរក្រសួងអប់រំយុវជននិងកីឡាក៏បានសហការជាមួយក្រុមហ៊ុននេះដោយកំពុងបំពាក់សេវាអ៊ិនធើណេតទូទាំងសាលាក្នុងប្រទេសកម្ពុជា នឹងគ្រោងបំពាក់បន្តអោយដល់ក្រសួងសុខាភិបាល។